ആധാര് കാര്ഡ് ഇനി പ്രവാസികള്ക്കും
ഏകീകൃത തിരിച്ചറിയല് കാര്ഡ് പ്രക്രീയയില് പ്രവാസികള്ക്കും ഇനി ഇടം ലഭിക്കുന്നു. ജയ്പൂരില് സമാപിച്ച പ്രവാസീ ഭാരതീയ ദിവസ് കേരള സമ്മേളനത്തില് കേരള മുഖ്യമന്ത്രി ശ്രീ ഉമ്മന് ചാണ്ടി തന്റെ പ്രസ്താവനയില്, കേന്ദ്ര ഗവര്മെന്റ് ഇതിനായി അംഗീകാരം നല്കിയതായി അറിയിച്ചു. വോട്ടവകാശത്തോടോപ്പം ആധാര് കൂടി ലഭിച്ചാല് സാധാരണ ഇന്ത്യന് പൌരനുള്ള എല്ലാ അവകാശാധികാരങ്ങളും പ്രവാസ്സികുള്ക്കും ലഭിക്കുന്നുവെന്നത് വലിയൊരു നേട്ടമാണ്.
പ്രവാസികളുടെ സമ്പാദ്യം, യാതൊരു ശ്രമവുമില്ലാതെ കേരളത്തിനു ലഭിച്ചുകൊണ്ടിരിക്കുന്ന വലിയൊരു സമ്പത്തും നിക്ഷേപങ്ങളുമാണ്. കഴിഞ്ഞ വര്ഷം അമ്പതിനായിരം കോടി രൂപയാണ് പ്രവാസ്സീ മലയാളികള് മുഖേന നാട്ടിലെത്തിയത്. കേരളത്തിന്റെ മൊത്തം ആഭ്യന്തര ഉത്പാദനത്തിന്റെ അഞ്ചിലൊന്നില് കൂടുതലാണിത്. ഈ പണമൊഴുക്ക് എക്കാലവും തുടരുമെന്ന് പ്രതീക്ഷിക്കാനാവില്ല . പുനരധിവാസ്സ പദ്ധതികല്ക്കൊപ്പം , വലിയ പ്രവാസ്സീ ബിസിനെസ് സംരംഭങ്ങള് കേരളത്തില് ഉണ്ടാകണം. പണവും അനുഭവസമ്പത്തും മികച്ച മാനവവിഭവ ശേഷി ഉണ്ടായിട്ടും , കേരളത്തിന്റെ വികസ്സനതിന്റെ ഗതിവേഗം കുറവായിരിക്കുന്നതിന്റെ കാരണങ്ങള് കണ്ടെത്തി പരിഹരിക്കുകയും വേണം. കേരളത്തില് അടിസ്ഥാന സൌകര്യ മേഖലയില് നിക്ഷേപം നടത്താന് പ്രവാസ്സീ മലയാളികള് ഒരുക്കമാണ് എങ്കിലും , ഇപ്പോഴും സംസ്ഥാനത്ത് അതിനു അനുസ്യൂതമായ സാഹചര്യമില്ലെന്ന് ഭയപ്പാടോടെ മാത്രമേ ചിന്തിക്കാന് സാധിക്കു. നല്ല റോഡുകള് പോലും ഇല്ലാതെ എന്ത് അടിസ്ഥാന സൌകര്യമാണ് ഇതുവരെ നമ്മുടെ മാറി മാറി വന്ന ഗവര്മെന്റുകള് മലയാളിക്ക് നല്കിയിട്ടുള്ളത്?
നമ്മുടെ നേതാക്കന്മാര് ഗുജറാത്തില് പോയി കാണട്ടെ അവിടുത്തെ സൌകര്യങ്ങളും സൌഹൃദ അന്തരീക്ഷങ്ങളും !
പ്രവാസിയുടെ വിഹിതത്തോടൊപ്പം സര്ക്കാരിന്റെ വിഹിതം കൂടി ചേര്ത്തുള്ള പ്രവാസീ പെന്ഷന് പദ്ധതി ഗള്ഫ് രാജ്യങ്ങളില് ജോലി ചെയ്യുന്ന ഇരുപതു ലക്ഷം കേരളീയരില് എഴുപതു ശതമാനത്തിനും പ്രയോജനപ്പെടുമെന്ന് കണക്കാക്കുന്നു. സൗദി അറേബ്യയിലും മറ്റും ജോലിയില് ഇരിക്കെ മരണമടയുന്നവരുടെ മൃതദേഹങ്ങള് നാട്ടിലെത്തിക്കുന്നതിനുള്ള ബുദ്ധിമുട്ടുകള് ഒഴിവാക്കുന്നതിനും, ശിക്ഷാകാലാവധി കഴിഞ്ഞിട്ടും വിദേശ ജയിലുകളില് കഴിയുന്നവരെ മോചിപ്പിക്കുക , കൊണ്സുലൈറ്റ് ഓഫീസ്സുകളില് നടമാടുന്ന അപാകതകള് പരിഹരിക്കാനും ആവശ്യത്തിനുള്ള ജോലിക്കാരെ നിയമിക്കുന്നതിനും ചര്ച്ചകള് നടന്നു.
പതിവ് പ്രസംഗ പ്രഖ്യാപനങ്ങള് ഒക്കെയാണ് ഇത്തവണയും കൂടുതലായി ഉയര്ന്നു കേട്ടതെങ്കിലും, പ്രതീക്ഷയ്ക്ക് വക നല്കുന്ന ചില നിര്ദേശങ്ങളും പദ്ധതികളും ഉയര്ന്നുവന്നിരിക്കുന്നു എന്നത് തന്നെ വളരെ സ്വാഗതാര്ഹം.
മാത്യൂ ജോയിസ്
![mother-and-child-1a[1]](http://janakesari.com/wp-content/uploads/2012/05/mother-and-child-1a1-150x150.jpg "mother-and-child-1a[1]"){kind=small}
